Bacchus Zjwame gallerie

Bacchus Bear I

Leef Zjwamer luuj,

Op unne werme herfsoavintj kreech ich de vraog of ich Bacchus 2016 wou waere…. Zon mekkelijke vraog kinse maar op ein maneer beantjwaorde, NATUURLIJK!! Dus hiej is veur ug BACCHUS BEAR I.

Ich bun in 1990 in het ziekehoes gebaore en in het Zjwamer landj ‘’groot’’ gewaore. Kom oet un gezin bestaonde oet pap, mam en hub auch ein zus. Bun wonende op de Heisjtraot en verdeen mien cente biej DHL.

Al van jongs aaf aan voetbal ich biej voetbalvereniging DES, wo ich noe op zunjig morge un belke mit de vedettes van Zjwame 4 trap.

Same mit mien adjes, Jefrey en Stan, en natuurlijk heel Bacchus Zjwame gaon veur der eine onvergaetelijke tied van make!

Vriedig 15 januwarie om 20.00oer kint geur mich unne beareklauw komme gaeve op mien resepsie in ’t Kesjotje, toet denne!!! Ich haop ug verder vaak te treffe en der same genog te moge drinke onger mien motto: ‘ Meer dors den haor oppe bors!’.

Proos Zjwame!

Bacchus Bear I

Sponsors